2025 жылы ақпан айының 27-28 күндері, Ақмола облысында колледж педагогтері үшін  маңызды іс-шара – білім беру саласы бойынша республикалық кәсіби шеберлік байқауы өтті. Байқауға республиканың барлық өңірлерінен жалпы білім беретін пәндердің 18 педагогі және педагогикалық мамандықтардың 18 оқытушысы қатысты. Осы байқауға қатысушылар қатарында М.Жұмабаев Халықаралық жоғары колледжінің жалпы пәндер оқытушысы – Рахимов Азамат Ауезханұлы және «Мектепке дейінгі тәрбиелеу және оқыту» бөлімінің арнайы пәндер оқытушысы – Иманбай Нурбахыт болды. М.Жұмабаев Халықаралық жоғары колледжі директорының оқу ісі жөніндегі орынбасары Клара Сериковна Жансейтова байқауда компатриот сарапшы қызметін атқарды. Нақты республикалық байқауда  Клара Сериковна сарапшылық қызметін атқарумен қатар, байқауға қатысқан педагогтерді қолдап, моральдық тұрғыдан көмек көрсете білді. 

    Байқау ережесіне сәйкес ІІІ модульді бағалау қорытындысы бойынша конкурстық комиссияның шешімімен Рахимов А. байқауға қатысқаны үшін марапатталса, Иманбай Н. «Кәсіби шеберлігі үшін» дипломының иегерлері атанды. Педагогтер үшін байқау – тек жарыс қана емес, сонымен қатар кәсіби және шығармашылық шеберліктерінің көрсеткіші болды. 

    Байқауға қатысушыларды Ақмола облысы білім басқармасының басшының орынбасары Б.Б.Дүйсенова құттықтап, заманауи педагог – бұл студенттерді өз ынта-жігерімен баурап алуға, оларды жаңа бастамаларға шабыттандыруға мүмкіндік беретін білімді, көп қырлы тұлға екенін атап өтті.